Mirësevini!
Përdorues i ri?
AlbLinux është gati t'ju ndihmojë në hapat e parë në Universin GNU/Linux.
Përdorues me eksperiencë?
Jeni i mirëpritur, AlbLinux ka nevojë për kontributin e të gjithëve!

laurenti's picture

Kryeministri Berisha takohet me përfaqësuesit e sektorit të ICT-së

Kryeministri Berisha thirri sot një forum të gjerë, të shkëmbimit të mendimeve dhe propozimeve, me komunitetin e biznesit në fushën e teknologjisë e informacionit dhe komunikimit (ICT) dhe përfaqësues të universiteteve, në kuadër të nismës së qeverisë “Shqipëria dixhitale”.
Takimi, ku ishin të pranishëm ministri i Inovacionit dhe Teknologjisë së Informacionit e të Komunikimit Genc Pollo dhe drejtues të Agjencisë së Kombëtare të Shoqërisë së Informacionit, u fokusua në prioritetet, sfidat, projektet dhe veprimin e përbashkët për një zhvillim sa më të shpejtë të ICT-së në Shqipëri. 

Lajme & Lajmërime: 
laurenti's picture

Shtëpia e Bardhë gjithmonë e më shumë opensource

Mbas vendimit për të përdorur CMS opensource Drupal si plataformë Web të Shtëpisë së Bardhë, Obama personalisht ka lejuar lëshimin dhe publikimin e pjesës më të madhe të kodit burues të përdorur në të.
Kodi është në dispozicion për të gjithë ata që dëshirojnë ta shfletojnë, përdorin apo ndryshojnë. Është me të vërtetë një kënaqësi të dimë që puna jonë të mund të përdoret nga zhvilluesit e ndryshëm në botë në brendësi të plataformave të tyre..., lexohet në një prej komunikimeve për shtyp të Presidencës së Shteteve të Bashkuar.

Lajme & Lajmërime: 
Internet: 
laurenti's picture

Linux vlen një miliard dollarë.

Dy studiues të Universitetit spanjoll të Oviedo kanë publikuar një studim që ka të bëjë me vlerën ekonomike të linux kernel 2.6.30.

Duke u mbështetur në algoritmin Constructive Cost Model (COCOMO 81), kanë përcaktuar që vlera e këtij versioni të kernel të linux tejkalon një miliard dollarët. Shifër kjo që ka të bëjë me koston e studimit dhe zhvillimit të një versioni të vetëm të kernel.

Seksioni Kernel: 
laurenti's picture

GIMP jashtë nga Ubuntu 10.04

Në summit të Ubuntu mbajtur në Dallas, e reja që ka krijuar më shumë habi është vendimi për të hequr Gimp nga instalimi bazë i Ubuntu 10.04 Lucid Lynx.

Shumë përdorues nuk kanë pranuar me kënaqësi dhe bindje këtë vendim, mjafton të ndiqen diskutimet e fundit në forumet Ubuntu në lidhje me Lucid Lynx: pjesa më e madhe e tyre përqëndrohen rreth temës Gimp.

Ky vendim nuk do të thotë që Gimp nuk do të vihet më në dispozicion nga Ubuntu, thjesht kush ka nevojë do t'i duhet ta instalojë mbas instalimit standard të Ubuntu (nga repository universe të Ubuntu).

Programe: 
laurenti's picture

AlbLinux në DRUPAL 6.14

AlbLinux.net sapo ka kryer përditësimin në versionin 6.14 të DRUPAL.

Përditësimi nuk ka krijuar ndonjë problem (gjatë fazës së përditësimit), nëse ndeshen probleme gjatë përdorimit, jeni të lutur të njoftoni.

Njëkohësisht janë fshirë nga databaza të gjithë përdoruesit që janë regjistruar dhe nuk janë futur asnjëherë në sit.
- Janë bllokuar adresat IP të përdoruesve që janë sjellë apo sillen në menyrë keqdashëse në sit!
- Janë bllokuar adresat e-mail të kujt krijonte spam në sitin tonë.
- Janë bllokuar IP/domain nga vijnë kërkesa për regjistrime automatike të pakontrolluara.

Lajme & Lajmërime: 
Internet: 
laurenti's picture

Përsëri në linjë!

Mbas një periudhe të gjatë, siti i AlbLinux(net/org) kthehet përsëri në linjë.
Shkaktarë për "fikjen" e sitit qenë sulmet e vazhdueshme, të llojeve të ndryshëm që, megjithëse nuk arrinin të preknin sigurinë e sitit, krijonin një mbingarkesë të papranueshme në server.
Duke patur parasysh që AlbLinux funksionon krejtësisht në baza vullnetare, nuk ka qëllime fitimi dhe nuk ka pranuar dhe as ka për të kërkuar ndonjëherë ndihmë financiare, sulmet ndaj këtij siti duken gjithmonë e më absurdë e të pakuptueshëm!

Lajme & Lajmërime: 

Faqet

Subscribe to AlbLinux RSS