AlbLinux Albanian Linux Portal

Projekti GNOME celebron lëshimin e GNOME 2.14, versionit të fundit të ambientit të punës multi-plataformësh dhe të lirë.Lëshuar në ditën e parashikuar, ky version është rezultati i punës së gjashtë muajve të kontribuesve të GNOME nga i gjithë rruzulli: hackers, dokumentues, specialistë të përdorshmërisë dhe açesibilitetit, përkthyes, mirëmbajtës, administratorë sistemi, kompani, artistë, përdorues dhe testues. Falë punës së tyre të palodhshme, tani mund të krenohemi me një version të ri - shumë falenderime çdo kontribuesi! Informacione të hollësishme në lidhje me GNOME 2.14 mund të merren nga shënimet e lëshimit të këtij versioni, të arritshme nga faqja e nisjes së GNOME 2.14.

Mbas më shumë se një vit pune, më së fundi vihet në dispozicion Ekiga 2.00 (Ekiga është pasardhësja e GnomeMeeting). Ekiga aktualisht është programi i parë Open Source që suporton së bashku SIP dhe H.323 në të njëjtin aplikativ.GnomeMeeting ishte një nga pionerët e programeve telefonikë Open Source Voice over IP, shpresojmë që Ekiga të vazhdojë në këtë drejtim.Midis funksioneve, mund të dallohen:

• Suporti i plotë SIP
• Suporti i plotë H.323
• Suporti Audio dhe Video
• Transferimi i thirrjes (SIP and H.323)
• Transferimi i thirrjes në situatat "I zënë", "Asnjë përgjigje", "Larg nga PC"

Duke kontrolluar gjendjen e përkthimeve në shqip për versionin e ardhshëm të Ubuntu Linux, dhe duke shfletuar seksionet e ndryshëm të sitit zyrtar (në të vërtetë duke shfletuar me shpejtësi, pasi Ubuntu tani për tani nuk është objektivi primar), u gjenda në seksionin e difekteve: stop! Difekti numër 1 dhe më i rendësishmi ishte akoma i hapur (në fazën e zgjidhjes).Mbas një kontrolli të shpejtë, mund të pohoj vërtetësinë dhe rendësinë e difektit, kuriozë? Atëhere verifikojeni vetë, kudo që të jeni.Ja kush është difekti (bug) akoma i hapur: Microsoft has a majority market share in the new desktop PC marketplace. This is a bug, which Ubuntu is designed to fix.

Martin "Joey" Schulze, përgjegjësi i lëshimeve të versionit stabël të Debian, është tërhequr nga aktiviteti. Në komitet Schulze ka shprehur mospërputhjen e tij me qendrimin e ftpmasters, duke i akuzuar si fajtorë në shkaktimin e pengesave në aktivitetin e publikimit të përditësimeve (dhe korrigjimeve) të versionit stabël. Schulze ka dhënë kontributin e tij që prej vitit 2001 dhe puna e tij tashmë do të vazhdohet nga Martin Zobel-Helas dhe Andreas Barth.

Sapo është vënë në dispozicion versioni i ri 2.2.0 i ISPConfig, panelit të kontrollit falë së cilit mund të kontrollohen me anë të një interfaqe komode grafike Apache, Bind, proftpd e vsftpd, MySQL, etj.ISPConfig është i instalueshëm në çdo shpërndarje GNU/Linux; në këtë version shtohet dhe suporti për arkitekturat x86_64 si dhe suporti për Slackware e Trustix.Dokumentimi i afruar është tepër i plotë dhe mund të gjeni udhëzues për instalime në Debian, Fedora, Suse, Mandriva e Ubuntu, udhëzues që ju japin mundësinë të ktheheni në Internet Service Provider të vërtetë (nëse makinat dhe banda e rrjetit jua lejon).