AlbLinux Albanian Linux Portal

Sapo është lëshuar versioni i ri 2.43 i Blender: një sit i ri me një galeri të pasur me pamje, me një seksion plot me video demostruese shoqërojnë lëshimin e programit më të mirë OpenSource për krijimin e elementëve 3D.

Karakteristikat e reja të këtij versioni bëjnë me të vërtetë përshtypje.

Mbas më shumë se tre muaj nga lëshimi i përditësimit të katërt për versionin stabël 3.1 (sarge) të Debian, grupi i zhvillimit të shpërndarjes Debian ka lëshuar një version të ri përditësimi, r5, që ka si qëllim korrigjimin e disa problemeve në lidhje me sigurinë.

Në pritje të lëshimit të versionit të ri stabël Etch, këshillohet kalimi në r5 me versionet e rinj të kernel për të gjithë përdoruesit e sarge ("apt" apo "aptitude", sipas dëshirës).

BBC-ja njofton se Qeveria e Shqipërisë dhe shoqëria amerikane Microsoft kanë arritur një marrëveshje për Partneritet Strategjik.
Nënshkrimi i marrëveshjes shihet si një nga përfundimet e nismës qeveritare të keqemërtuar, "Shqipëria në moshën e Internetit", bërë e njohur ca muaj më parë.

Hollësi rreth marrëveshjes jepen pak. Le të shpresojmë që këto do të bëhen të ditura, ose të passhme për të interesuarit të paktën, prej kanaleve zyrtare të qeverisë shqiptare. Por nga ato pak që lihet të mësohen mund të hamendësohet shumë.
Lajmi hapet me sheqerkat e zakonshme të mirënjohura të PR-it të Microsoft-it: 6 mijë kompjutera me çmim simbolik për shkollat dhe programet mësimore në Shqipëri.

Xfce-ja është një mjedis desktop për sisteme operativë të llojit *nix.
Përkthimi i parë ka qenë për versionin 4.3.2. Ndërsa ky version është 4.4, me diçka më tepër që nuk u përfshi në 4.4 (squeeze në mos gaboj).

Përkthimit të Xfce-së si një përmbledhje programesh i shtohet këtë radhë edhe përkthimi i site-it zyrtar, Xfce në Shqip, ku mund të gjenden shumë të dhëna rreth saj. Ndër to përmendim edhe doracakë për përdoruesin.

GNOME dhe KDE janë dy mjediset më të njohur për desktop, mbi përkthimet në shqip të të cilëve punohet vazhdimisht. Përkthimi i Xfce-së shtysën e pati nga ideja për të provuar përkthimin e plotë të një mjedisi desktop duke u bazuar në një grup termash për të cilët nuk ka mirëpranim nga palë të ndryshme që janë marrë me përkthimet.