AlbLinux Albanian Linux Portal

Ja ku arrin Release Candidate e parë për GNOME2.8. Ky version shënon hapin e parë drejt versionit përfundimtar që parashikohet të lëshohet rreth datës 15 shtator.

Përfitoj nga rasti të ftoj të gjithë përdoruesit shqipfolës të GNU/Linux të ndihmojnë në testimin e përkthimit në shqip për versionin e ri: këto dy javë të mbetura, grupi i përkthimit, do t'ja kushtojë vetëm gjetjes dhe korrigjimit të gabimeve të mundëshme (përkthimi në shqip për GNOME 2.8 është në 100%).
Ndihma e testuesve nevoitet këto ditë më shumë se çdo herë!

Në vazhdim, lajmërimi i plotë:

Quhet GlobeTrotter dhe, është Mandrakelinux i preinstaluar në ultra-compaktin 'LaCie Mobile Hard Drive.' HD është USB, pra mjafton t'a lidhni në kompjuterin tuaj dhe do të keni gati për funksionim një nga shpërndarjet më të lehta GNU/Linux.
Kompjuteri juaj (dhe sistemi që keni instaluar) nuk do të pësojë asnjë ndryshim, asnjë file do të instalohet apo fshihet, mund të punoni të qetë në HD e shtuar.
Në këtë menyrë, për vetëm 199€, Mandrake synon të kthejë në përdorues të Linux edhe ata përdorues që nuk arrijnë apo nuk "guxojnë" të instalojnë Linux në PC e tyre.

Dashamir Hoxha, i INIMA ka shkruar një udhëzues praktik të thjeshtë mbi instalimin dhe konfigurimin e një serveri gateway.

Materiali është në anglisht, por së shpejti do të shtohet edhe versioni në shqip.

"The Web Standards Project" ka filluar një fushatë informacioni me të cilën synon të rrisë nivelin e sigurisë gjatë lundrimit në web duke shtyrë përdoruesit drejt braktisjes së IE (Internet Explorer can make your computer unsafe) dhe kalimit në shfletues të tjerë web të sigurt.