AlbLinux Albanian Linux Portal

Ximian (tashmë NOVELL) Evolution, nuk është më një "luks" i vetëm përdoruesve të Linux: një Projekt i Ri sapo ka bërë të mundur përdorimin e Ximian Evolution edhe në Mac OSX.

Përdoruesit e Mac mund të shohin disa pamje të Evolution duke klikuar këtu.

Sapo është njoftuar zyrtarisht lëshimi i versionit të ri 1.1.3 të OpenOffice.org, grupit të programeve për zyrë OpenSource.

Në të vërtetë ky version nuk afron asnjë funksion të ri në krahasim me funksionet që përdorim çdo ditë, thjesht korrigjon të gjithë difektet e njoftuara nga përdoruesit dhe zhvilluesit.

Ndoshta duhet të fillojmë të mësohemi me lajmet e këtij lloji :-), sidoqoftë, MandrakeSoft sapo ka fituar një kontratë tre-vjeçare nga Ministria franceze e Mbrojtjes.
Kjo kontratë parashikon afrimin nga ana e Mandrakesoft e ndihmës (së bashku me partnerë të tjerë) për të krijuar një sistem operativ të bazuar në Linux, që duhet të afrojë një nivel tepër të lartë sigurie.