Ditari i laurenti

Akoma dhe 2-3 ditë dhe fillojnë pushimet edhe për mua :-)
Dje fillova të sistemoj makinën dhe... nuk arrij të gjej më asnjë nga hartat rrugore (mesa duket vajzat e mia do të kenë zbuluar ndonjë lojë të re për të kaluar kohën).
Ok... para se të nisem do të blej të reja, tani për tani mjafton ... Google, dhe më saktësisht Google Earth.
Nuk po vazhdoj me përshkrimin e programit, besoj që ju të gjithë e njihni: po ndalem vetëm në hapat e instalimit në Debian.
Instalimi është i thjeshtë:

cd
mkdir debs && cd debs
sudo aptitude install googleearth-package


Kohët e fundit, për arsye pune, më është dashur të lëviz shumë.
Se nga një anë sa më sipër tranformohet në rrjedhoja pozitive përsa i takon aktivitetit tim profesional, nga ana tjetër, në menyrë të pashmangshme, sjell disa efekte jo pozitive.
Thjesht duke i hedhur një sy datave të shkrimeve të fundit në portal mund të kuptohet që është zvogëluar në menyrë tepër të ndjeshme koha që zakonisht i kushtoj mbarëvajtjes së portalit (shtimit të lajmeve/artikujve, udhëzuesve, etj... edhe pse në menyrë të papritur është regjistruar gati dyfishimi i numrit të vizitave ditore).

Dje sapo është lëshuar një tjetër version testimi për GNOME.
Sapo përfundova instalimin (në të vërtetë instalova thjesht bazën dhe disa nga instrumentët e administrimit): përshtypjet? Po të vazhdohet me këtë hap, GNOME do të bëhet me të vërtetë një hapësirë pune e plotë për çdo lloj përdoruesi, me çfarëdolloj kërkese.