Sugjerime ne lidhje me Linux

Përshëndetje Admirali,

përgjigja ndaj dyshimeve nëse Linux do të jetë në gjendje t´ju përmbushë të gjitha kërkesat dhe nevojat personale apo të shkollës, nuk mund të jetë tjetër veç pozitive :-)

Dhe do t´ju afrojë shumë më tepër nga ç´ju afron aktualisht sistemi operativ që jeni duke përdorur: jo më kot pjesa më e madhe e studentëve këtu përdorin linux për të zgjidhur problemet e shkollës dhe për të përgatitur tezat e dipllomave apo laurea-t. Dhe, më kryesorja, ju afron mundësinë të përdorni llogjikën dhe mendjen tuaj, duke ju vënë në dispozicion programe dhe ambiente të hapur, të ndryshueshëm dhe të personalizueshëm sipas dëshirës dhe nevojës.

Përsa i përket programeve që keni përmendur, nuk po zgjatem shumë, pasi përgjigjen ju a kanë dhënë: duhet thjesht të zgjedhësh midis programeve të ndryshëm dhe të përdorësh atë që të përshtatet apo të përlqen më tepër.

Në lidhje me Visio, unë përdor prej kohësh Dia, që është një projekt i hapur dhe që, si shumica e projektet e tjerë me burues të hapur , është i personalizueshëm dhe zgjerueshëm sipas dëshirës apo nevojave.

Kjo nuk do të thotë që nuk ke mundësi të përdorësh programet windows. Ekzistojnë disa emulues në Linux, mund të fillosh duke provuar

WINE

, që është një emulues i hapur. Nëse kërkesat janë të mëdha, mund të provosh emulues komercialë, që të emulojnë krejtësisht Window$, pa asnjë lloj limiti.

Virus? Duhet të fillosh dalëngadalë t´i harrosh emrin. Linux mund të jetë i prekshëm nga worm apo trojan-ë të ndryshëm, por jo gjatë përdorimit të zakonshëm të përditshëm: në fakt sulmuesit i duhet një punë shumë më e madhe; duhet të sulmojë dhe të thyejë server-ët që kryejnë rolin e arkivëve të programeve dhe të zevendësojë programin origjinal me kopjen e ndryshuar (që përmban kodin e sulmuesit). Gjë që sikurse mund të kuptohet nuk është as e thjeshtë dhe që nuk mund të arrihet nga "djelmoshi" i parë që kërkon të duket "hacker". Në të njëjtën kohë, të gjithë programet shoqërohen nga një kod numerik kontrolli, që zakonisht ruhet në server të tjerë nga ata ku ndodhet programi, pra sulmuesit do t´i duhet të thyejë edhe një server tjetër dhe të ndryshojë të kodin.
Pakot e rendëshishme, si p.sh kernel-i janë cryptographically signed.

Në vazhdim po bashkangjis edhe disa foto me disa nga programet që të duheshin:

Programe te tjere :-)