AlbLinux...defaced

Nuk ka shumë rendësi teknika e sulmit. Mund t´ju garantoj që kishin bërë me të vërtetë një rrëmujë që të fuste frikën :-W Shpesh herë më duhet të merrem me analizimin e thyerjeve të server-ëve të ndryshëm, zakonisht kush mundohet të thyej një sit merr masat dhe e studion server-in për një kohë të gjatë, duke u munduar t´ja arrijë qëllimit duke lënë sa më pak gjurmë dhe duke kryer sa më pak dëme. Këta jo, ishin barbarë të vërtetë, kanë kryer dëme në databaza dhe files të server-it ku ndodhet AlbLinux. Mesa duket për ta është thjesht një lojë me pikë :-(

Nga janë futur nuk dihet mirë: dyshimi ra mbi modulin My_eGallery, që ka (akoma e kësaj dite) një bug që i jep mundësinë një sulmuesi të futet dhe të bëjë çfarë të dojë me të gjithë sitet e një server-i.

AlbLinux përdor një modul të modifikuar, nga i cili ka ngelur pak gjë nga moduli origjinal. Prandaj dyshoj që të jenë futur nga AlbLinux.

Për fat të keq, Administratori i server-it i ra shkurt: ndryshoi menjëherë makinën dhe vuri në funksion një makinë tjetër me kopjet e vjetra të të gjithë siteve. Akoma nuk na ka lajmëruar nëse ka përfunduar analizimin e makinës nga ku u futën.

Nga ana tjetër mund të keni venë re që akoma shumë seksione të AlbLinux nuk funksionojnë 100% pasi kam vendosur që të gjithë modulët që kërkojnë shumë të drejta për të funksionuar, tani për tani do të bllokohen ose do të kenë më pak të drejta (My_eGallery kërkon që disa directory të jenë në 777, po kështu dhe disa modulë të tjerë). Eliani sapo më ka njoftuar që dhe një pjesë administrative e sitit nuk arrin të funksionojë me këto të drejta.

Së shpejti do të zgjidhen gradualisht të gjithë problemet.