opera kundrejt firefox

Ajo "përveç faktit që nuk është i lirë" për ne ka rendësi të madhe. 35€ për t´a blerë apo 17€ për upgrade (duke ditur nevojshmërinë e rifreskimeve gati javore për të cilat ka nevojë një shfletues në ditë e sotme) nuk janë pak, aq më tepër duke konsideruar alternativat free.

Nga ana teknike: opera nuk është as më i sigurt e as afron ndonjë funksion më shumë se ç´afrojnë shfletuesit free.

Përdor zakonisht firefox apo epiphany sepse janë tepër të shpejtë e të pangarkuar. Nëse do të më duheshin funksionet mail, apo IRC e newsgroup, apo editues html, atëhere mund të përdor Mozilla, e nuk kam përse të ble Opera!

Në vazhdim po bashkangjis disa foto të së njëjtës faqe, shikuar nga shfletues të ndryshëm (po, më mungon IE): sikurse mund të shihet, cilësia më e ulët në shfaqjen (vizatimin e gërmave) dhe respektimin e stilit CSS i takon shfletuesit Opera.

Dhe e fundit, e jo më pak e rendësishme (ndoshta shumë e rendësishme për ne): Firefox dhe Epiphany janë krejtësisht në

shqip

!